ადამიანის უფლებების სწავლებისა და მონიტორინგის ცენტრი ტყიბულის შახტების შესახებ მომზადებულ აუდიტის დასკვნას ეხმაურება. როგორც ორგანიზაციაში აცხადებენ ტყიბულელებისთვის, მათ შორის შახტში მომუშავე ადამიანებისთვის, დასკვნის შინაარსი დღემდე უცნობია, რაც სახელმწიფოსა და კომპანიის მხრიდან დასაქმებულთა ინტერესების უგულებელყოფაზე მიუთითებს. პროგრამის დირექტორის, კოტე ერისთავის განცხადებით „დასკვნა არის ხარვეზიანი, მაგრამ თავად დასკვნაში ძალიან ბევრი მნიშვნელოვანი რეკომენდაციაა, მითითებაა ძალიან ბევრ ფუნდამენტურ პრობლემაზე, რომელიც უნდა აღმოიფხვრას შახტებში სანამ აღდგება ნახშირმოპოვებითი საქმიანობა“. #ახალიამბები