დავით საგანელიძე: „ჯერ კიდევ 2015 წლიდან, როდესაც პარლამენტარი გახლდით, უმრავლესობის ლიდერი, თქვენ გვერდით ვიყავი და ვაყენებდი საკითხს, რომ „საპარტნიორო ფონდს“ რეორგანიზაცია სჭირდება. ფონდში მოსვლის დღიდან ამ დრომდე, არ ყოფილა ჩემი არც ერთი ინტერვიუ, შეხვედრა მასმედიასთან ან საჯარო გამოსვლა, სადაც არ მითქვამს იმის შესახებ, რომ ფონდის დაარსებიდან 10 წელი გავიდა, ქვეყანა ახლა სხვა გამოწვევების წინაშე დგას და უმსსხვილეს სახელმწიფო საფინანსო ინსტიტუტში აუცილებელია მნიშვნელოვანი ცვლილებები. ჩემი ფონდში მოსვლის შემდეგ, გერმანიის განვითარების ბანკის KFW-ის მხარდაჭერით, მომზადდა დოკუმენტი, რომელიც ფონდის რეფორმირებას ეხება. საკითხი ახლაც დღის წესრიგში დგას. რეფორმირების ორი განსხვავებული მოდელი ფონდს მთავრობისთვის უკვე შეთავაზებული აქვს“.