შრომის პირობების ინსპექტირების დეპარტამენტის ეფექტურად მუშაობის უზრუნველსაყოფად შრომის ინსპექტორების რაოდენობა 40-დან 100-მდე გაიზარდა. ამის შესახებ განცხადებას დევნილთა, შრომის, ჯანმრთელობისა და სოციალური დაცვის სამინისტროს ოფიციალური Facebook გვერდი აქვეყნებს. ასევე, ჯანდაცვის სამინისტროს ინფორმაციით, 2019 წელს სამუშაო ადგილზე დაღუპულთა და დაშავებულთა რაოდენობა წინა წელთან შედარებით 35%-ით შემცირდა. თუმცა რამდენიმე დღის წინ გამოქვეყნდა ადამიანის უფლებათა დაცვის საერთაშორისო ორგანიზაცია Human Rights Watch-ის 2020 წლის ანგარიში. საქართველოს პროფკავშირის კონფედერაციის მონაცემებზე დაყრდნობით, ორგანიზაცია აღნიშნავს, რომ 2019 წლის იანვარ-ოქტომბრის განმავლობაში სამუშაოს შესრულებისას 36 მუშა დაიღუპა და 107 დაშავდა არასაკმარისი რეგულირების გამო.როგორც Human Rights Watch-ი აცხადებს, მშრომელთა უფლებები და უსაფრთხოება რისკის ქვეშაა. ორგანიზაციის რეკომენდაციაა, ქვეყანაში სამუშაო საათების რეგულირება განხორციელდეს.

სტუმარი: ბექა ფერაძე - ჯანდაცვის სამინისტროს შრომის პირობების ინსპექტირების დეპარტამენტის უფროსი

#ახალიამბები #BusinessMediaGeorgia