კალიფორნიის ქალაქ მენლო პარკში, რომლის მოსახლეობაც მხოლოდ 32 ათასია, სახანძრო ელექტრომობილი გამოჩნდება. ქალაქის სახანძრო სამსახური ინოვაციურ სახანძრო მანქანას ავსტრიული კომპანია Rosenbauer Group-ისგან შეიძენს. სახანძრო ელექტრომობილის ღირებულება მილიონ 112 ათასი დოლარია. ავსტრიულ კომპანიაში აღნიშნავენ, რომ მათ მიერ შექმნილი ავტომობილი მომავლის სახანძრო მანქანაა. ავტომობილის სიგრძე 7,6 მეტრია, სიმაღლე კი სამ მეტრს აღემატება. სახანძრო მანქანის სიგანე მხოლოდ 2,3 მეტრია, რაც მას საშუალებას მისცემს მჭიდროდ დასახლებულ ურბანულ ტერიტორიაზე უპრობლემოდ გადაადგილდეს. აღსანიშნავია, რომ სახანძრო ელექტრომობილი ტრადიციული წითელი ფერის ნაცვლად სალათისფრად არის შეღებილი, რაც ხაზს უსვამს, რომ ეს ავტომობილი ეკოლოგიურად სუფთა ტრანსპორტია.Rosenbauer Group სახანძრო ელექტრომობილის სერიულ წარმოებას 2021 წელს დაიწყებს. კალიფორნიის გარდა, ინო