2019 წლის ერთ-ერთი ყველაზე გახმაურებული კინო მოვლენის სარეკლამო კამპანიაში კიდევ ერთი ბრენდი ჩაერთო. Star Wars:The Rise of Skywalker-ის მსოფლიო კინოპრემიერამდე 2 კვირით ადრე, Coca-Cola-მ უალკოჰოლო გაზიანი სასმლის ლიმიტირებული სერია გამოუშვა, რომლის ეტიკეტში OLED განათების ტექოლონოგიაა გამოყენებული.

ეტიკეტებზე Star Wars-ის მთავარი გმირები - რეი და კაილო რენი არიან გამოსახული, რომლებსაც ხელში უჭირავთ ფილმის ერთ-ერთი ცნობილი საბრძოლო იარაღი - მანათობელი ხმალი. ეტიკეტზე შეხებისას, ხმლები ანათებენ ისე, როგორც ფილმის სხვადასხვა საკულტო სცენაში გვახსოვს. კინოსურათისაგან განსხვავებით, ამას ზებუნებრივ ძალებთან კავშირი, ცხადია, არ აქვს - ეტიკეტის დამზადებისას, სპეციალისტებმა ორგანული შუქდიოდები, იგივე OLED განათება გამოყენეს.

პროექტზე ბერლინურმა სტარტაპმა - Inuru-მ იმუშავა. როგორც სტარტაპის წარმომადგენლებმა აღნიშნეს, ინტეგრირებული შუქდიოდები ეკო-მეგობრულია, რამდენადაც, წამრმოებისას იშვიათი ორგანული მეტალები არ გამოყენებულა. Star Wars:The Rise of Skywalker-ის თემატური სერიის ფარგლებში, Coca-Cola-მ უშაქრო კოკა-კოლის ლიმიტირებული რაოდენობა გამოუშვა, რომელიც ბაზარზე 6 დეკემბრიდან, 22 დეკემბრამდე პერიოდულად ჩაეშვება. აღსანიშნავია, რომ ეტიკეტი განათებას მხოლოდ 500-ჯერ შეძლებს.

გამოიწერეთ გვერდი