საქართველო ევროპის ენერგეტიკული გაერთიანების წევრის სტატუსით აღებული ვალდებულებების შესრულებას აგვიანებს - ასეთია ენერგეტიკული გაერთიანების სამდივნოს დირექტორის იანეზ კოპაჩის შეფასებებიდან ძირითადი დასკვნა, რომელიც გასული კვირის მიწურულს მოვისმინეთ. როგორც იანეზ კოპაჩიმ ამ თემაზე გამართულ პრესკონფერენციაზე პარასკევს, საქართველომ დედლაინი დაარღვია. საუბარია, ენერგეტიკის სექტორში ახალი კანონების მიღების ვადებზე.
ყველაფერი შერჩევით გამოგვდის, ბევრი მაგალითის მოყვანა შეგვიძლია როცა რომის პაპზე მეტი კათოლიკეობის სულისკვეთებით ამა თუ იმ ცვლილებას დაჩქარებული წესით განიხილავენ და ბეჭედდასმულს გვთავაზობენ. სთავაზობენ ბიზნესს და რაც არის და არ არის ყველაფერს ევროკავშირის ვალდებულებით გვაწვდიან. ენერგეტიკა ის ნაწილია, სადაც ნამდვილად დავაგვიანეთ. პარლამენტში "საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ" კანონპროექტია რეგისტრირებული, რომელიც სხვადასხვა ტექნიკურ საკითხთან ერთად, განახლებადი ენერგიების გამოყენების მიმართულებით სიახლეს ითვალისწინებს.
კერძოდ, როგორც კანონპროექტის განმარტებით ბარათშია ნათქვამი, თუ მოქმედი სამშენებლო კოდექსი ახალი შენობა–ნაგებობებისთვის განახლებადი ენერგიების გამოყენების გათვალისწინებას სავალდებულოდ მიიჩნევდა, დაგეგმილი ცვლილებებით ეს ასე აღარ იქნება. ანუ უფრო მოკლედ რომ ვთქვათ, ახალ შენობებში განახლებადი ენერგიების გამოყენება სავალდებულო სავარაუდოდ აღარ იქნება.

სტუმრები: გიორგი აბრამიშვილი - განახლებადი ენერგიების განვითარების ასოციაცია, აღმასრულებელი დირექტორი;
მურმან მარგველაშვილი - "მსოფლიო გამოცდილება საქართველოსთვის", დირექტორი