პრემიერ-ლიგის ეგიდით, "ჩელსისთან" 0:2 ანგარიშით დამარცხების შემდგომ, "კრისტალ პალასის" ფორვარდი უილფრიდ ზაჰა "ჩელსის" გულშემატკივრებთან სიტყვიერ დაპირისპირებაში ჩაერთო.

მატჩში გარდატეხის შეტანას, ზაჰა მთელი თავისი ძალებით ცდილობდა, მაგრამ "ლურჯების" ფეხბურთელი რის ჯეიმსი ზაჰას ყოველი ბურთის მიღებისას ანეიტრალებდა და თავდამსხმელმა ტაბლოზე ანგარიშის შეცვლა ვერ მოახერხა.

შეხვედრის დასრულების შემდგომ, "სტემფორდ ბრიჯის" მახლობლად, ზაჰა საკუთარ ავტომობილში ჯდებოდა, როდესაც მასთან "ჩელსის" გულშემატკივრები მივიდნენ და დასცინეს.

ერთ-ერთმა ქომაგმა იგი ჯეიმსის ხსენებით განარისხა: "ეს რა იყო? რის ჯეიმსი ჯიბეში..."

ზაჰამ ვეღარ მოითმინა, ავტომობილის მინა ჩამოწია და ფანს ასეთი პასუხი გასცა: "ჯიბეში შენი დალახვრული დედა მყავდა!" (წყარო: ბრიტანული გამოცემა Metro).

აქვე გეტყვით, რომ პრემიერ-ლიგის სატურნირო ცხრილში, "ჩელსი" 26 ქულით მე-3 პოზიციას იკავებს, "კრისტალ პალასი" კი მე-12 ადგილზე იმყოფება.


გამოიწერეთ ჩვენი სპორტ გვერდი უახლესი სპორტული ვიდეოების სანახავად.