დღეს ფინანსთა მინისტრისგან ცნობილი გახდა, რომ მეოთხე კატეგორიის კომპანიებს ფინანსური ანგარიშგების ახლებურად წარდგენა 2 წლით გადაუვადდათ. ვანო მაჭავარიანმა მთავრობის სხდომის დასრულების შემდეგ მედიასთან განაცხადა, რომ მთავრობამ მხარი დაუჭირა ინიციატივას "ბუღალტრული აღრიცხვის, ანგარიშგებისა და აუდიტის შესახებ კანონში" ცვლილების თაობაზე. ამ კანონის მიხედვით, პირველი ოქტომბრისთვის საქართველოში ყველა კომპანიას ევალებოდა, რომ გასული წლის ანგარიშგება იმ სტანდარტით წარედგინა, რომელიც დაწესებულია. მინისტრის განმარტებით კი, ამ ყველაფერს კომპანიები ვერ ასწრებდნენ, ამიტომ გადავადება გადაწყდა. ამ ინფორმაციის გაჟღერების შემდეგ, მაჭავარიანს არ დაუზუსტებია, როდის შევა ცვლილება ძალაში, არც ის განმარტა, მისი გადავადება ასეთი მარტივი თუ იყო, კერძო სექტორს მოსამზადებლად მეტი დრო რატომ არ მიეცა.

სტუმარი: ნიკოლოზ გაგუა - ფინანსთა მინისტრის მოადგილე