ცხინვალის საოკუპაციო რეჟიმის ე.წ უსაფრთხოების კომიტეტის ინფორმაციით, კომიტეტის სასაზღვრო სამსახურმა სოფელ წნელისის მიდამოებში მორიგი ჰუმანიტარული ოპერაცია ჩაატარა, რომლის ფარგლებშიც „ოსურმა მხარემ დაიკავა საქართველოს ბლოკპოსტის თავზე 944,8 მ. სიმაღლე, აღადგინა საზღვრის მანიშნებელი და საქართველოს საზღვარზე სამხრეთ ოსეთის დროშა აღმართა.“

დე ფაქტო უწყების განცხადებით, ოპერაცია ე.წ პრეზიდენტის, ანატოლი ბიბილოვ ის ბრძანებით, „რესპუბლიკის მოქალაქეების უსაფრთხოებისა და რეგიონში სტაბილურობის უზრუნველყოფის მიზნით“ ჩატარდა. საოკუპაციო რეჟიმის განცხადებით, „სამხრეთ ოსეთის მესაზღვრეები, რომლებიც ალანიის სახელმწიფოს საზღვრებს რუსებთან ერთად იცავენ, იძლევიან სტაბილურობის და მშვიდობის გარანტიას“

ამავე განცხადებაში, ცხინვალის საოკუპაციო რეჟიმი საქართველოს ე.წ. სამხრეთ ოსეთის სასაზღვრო ტერიტორიების ანექსიაში სდებს ბრალს:

„საქართველოს პროვოკაციული მოქმედებები მიმართულია სამხრეთ ოსეთის ტერიტორიის საზღვრისპირა ნაწილის ანექსიისკენ, მოსახლეობისთვის საფრთხე მზარდია, რასაც ქართველი ძალოვნების მიერ კვარდროკოპტერისთვის ცეცხლის გახსნის ინციდენტისც მოწმობს”- ნათავამია ცხინვალის საოკუპაციო რეჟიმის ე.წ უსაფრთხოების კომიტეტის გავრცელებულ განცხადებაში.