13 512 413
ნახვა
288
ვიდეო

ელექტრომობილების გაზიარების სერვისი ბათუმში

გაზიარება შექმენი ლუპი
აგვისტო 22, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
0 - მომწონს
1 - არ მომწონს

სასიხარულოა, რომ თბილისის შემდეგ ხვალიდან ბათუმში დაინერგება ელექტრომობილების გაზიარების სერვისი, ეს არის სერვისი, რომელიც მსოფლიოს ყველა წამყვან ქალაქში სარგებლობს განსაკუთრებული პოპულარობით, - ამის შესახებ საქართველოს პრემიერ-მინისტრმა მამუკა ბახტაძემ ბათუმში, კომპანია „აიქარის" მიერ პროექტის წარდგენაზე სიტყვით გამოსვლისას განაცხადა.

მთავრობის მეთაურის თქმით, თბილისისა და ბათუმის გარდა ელექტრომობილების გაზიარების სერვისი უახლოეს მომავალში სხვა ქალაქებშიც დაინერგება.

„ჩვენი გაცხადებული პრიორიტეტია მწვანე ეკონომიკა, რომელიც ემსახურება უმთავრეს მიზანს, რომ დავძლიოთ ჩვენი მოსახლეობის წინაშე არსებული ყველაზე მტკივნეული გამოწვევა - სიღარიბე. ჩვენ ორიენტირებულები ვართ სწორედ ისეთი პროექტების განხორციელებაზე, რომელიც დაგვეხმარება, რომ მივაღწიოთ ამ ყველაზე მთავარ მიზანს. რამდენიმე წლის წინ, როდესაც მე ამაზე ვსაუბრობდი, მახსოვს ჩვენი ზოგიერთი ოპონენტის მხრიდან გამოთქმული მოსაზრებები, სკეპტიციზმი ამ იდეის გარშემო. დღეს მე შემიძლია თამამად გითხრათ, რომ საქართველო ხდება ამ მაღალტექნოლოგიური პროდუქციის მწარმოებელი. საქართველოში უკვე შენდება ელექტრომობილების მწარმოებელი ქარხანა, მზის პანელების ქარხანა, რომლის მთავარი ბაზარი საქართველოს გარდა იქნება ევროკავშირი. ანუ ჩვენ ვხდებით მაღალტექნოლოგიური პროდუქციის ექსპორტიორი ქვეყანა, რაც რამდენიმე წლის წინ წარმოუდგენელი იყო", - განაცხადა მამუკა ბახტაძემ.

პრემიერის თქმით, მსგავსი პროექტები ეროვნულ იდეასთან - განათლებასთან ერთად იქნება მთავარი საფუძველი იმისა, რომ საქართველო იყოს ღირსეულად წარმოდგენილი 21-ე საუკუნეში და სწორედ მსგავსი პროექტები იქნება ამის მთავარი გარანტია.

„მინდა განსაკუთრებული მადლობა გადავუხადო კომპანია „აიქარს" და „აიჯგუფს", მსგავსი ინოვაციური პროექტების განხორციელებისთვის. სწორედ აღნიშნული კომპანია განახორციელებს საქართველოს დამოუკიდებლობის მოპოვებიდან დღემდე ყველაზე ამბიციურ პროექტს - ელექტრომობილების ქარხნის მშენებლობას ქუთაისში. სწორედ აღნიშნული წარმოება იქნება სავიზიტო ბარათი 21-ე საუკუნეში. რაც მე განსაკუთრებით მახარებს, 2020 წლიდან ჩვენს მოქალაქეებს შეეძლებათ ისარგებლონ საქართველოში დამზადებული ელექტრომობილებით. უფრო მეტიც, ამ ქარხანაში ჩაფიქრებულია, რომ ჩვენ გამოვუშვებთ პირველად საქართველოში შექმნილი დიზაინით ელექტროავტომობილებს და ეს იქნება მართლაც უნიკალური შედეგი", - განაცხადა მამუკა ბახტაძემ.

„აიქარმა ბათუმში 20 ელექტრომობილი შემოიყვანა". ბათუმის რკინიგზის სადგურის ტერიტორიაზე კომპანია აიენერჯიმ 10 ელექტროგასამართი სადგური უკვე დაამონტაჟა. ამ სადგურების რიცხვი დღითიდღე გაიზრდება.

მაჩვენე მეტი