10 849 914
ნახვა
287
ვიდეო

პრემიერმა გლდანის განახლებული პარკი დაათვალიერა

გაზიარება შექმენი ლუპი
აგვისტო 3, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს პრემიერ-მინისტრმა მამუკა ბახტაძემ გლდანის მე-6 მიკრორაიონში განახლებული პარკი დაათვალიერა.

განხორციელებულ სამუშაოებს მთავრობის მეთაური დედაქალაქის მერთან ერთად გაეცნო.

პრემიერმა სიტყვით გამოსვლისას ყურადღება გაამახვილა ქალაქში მწვანე სივრცეების მნიშვნელობაზე, როგორც მწვანე პოლიტიკის მთავარ პრიორიტეტზე.

“თბილისის განვითარების პროგრამაზე მუშაობისას მთავარი მოთხოვნა, რომელსაც ვისმენდით თქვენგან, თბილისელებისგან, იყო მსგავსი მწვანე სივრცეების შექმნა, რაც ასე ძალიან გვაკლია ამ ლამაზ ქალაქში და ეს არის ჩვენი მწვანე პოლიტიკის მთავარი პრიორიტეტი. ჩვენ გვჭირდება რაც შეიძლება მეტი მსგავსი სივრცე, სადაც მომავალი თაობა გაიზრდება. დარწმუნებული ვარ, ეს ლამაზი სკვერი გახდება თითოეული თქვენგანისთვის და ჩვენი ბავშვებისთვის უსაყვარლესი ადგილი. აქ ნახავთ ყველაფერს, სპორტული მოედნებიდან დაწყებული, სპეციალური სივრცეებით დამთავრებული ჩვენი ბავშვებისთვის - ყველაზე ძვირფასისთვის, რაც გაგვაჩნია”, - განაცხადა პრემიერ-მინისტრმა.

მამუკა ბახტაძემ დედაქალაქის მერსა და მის გუნდა განხორციელებული სამუშაოსთვის მადლობა გადაუხადა და მოქალაქეებს განახლებული სარეკრეაციო სივრცის გახსნა მიულოცა.

პარკის რეაბილიტაციის ფარგლებში აღდგა ამფითეატრი, ფანჩატურები და შადრევანი; განახლდა ინფრასტრუქტურა. რეაბილიტაცია ჩაუტარდა საბავშვო ატრაქციონებს.

6570 კვადრატულ მეტრ ფართობზე დაითესა ბალახი, სკვერის მიმდებარე ტერიტორია მოპირკეთდა კირქვით, მოეწყო საველოსიპედო ბილიკები.

პარკის გახსნასთან დაკავშირებით მოქალაქეებისთვის კონცერტიც გაიმართა.

მაჩვენე მეტი
ტეგები : #ახალიამბები