15 652 777
ნახვა
7 413
ვიდეო

პროკურატურა ხაზარაძესა და ჯაფარიძეს ფულის გათეთრების მუხლით დღეს ბრალს წარუდგენენ

გაზიარება შექმენი ლუპი
ივლისი 24, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

პროკურატურა მამუკა ხაზარაძესა და ბადრი ჯაფარიძეს ფულის გათეთრების მუხლით დღეს ბრალს წარუდგენს. ამის შესახებ პროკურატურაში გამართულ ბრიფინგზე გახდა ცნობილი. როგორც უწყებაში განმარტეს, მათ დადგენილება ხაზარაძე-ჯაფარიძის მიერ ჯგუფურად, 16 მილიონ 754 ათასი ამერიკული დოლარის უკანონო შემოსავლის ლეგალიზაციის ფაქტზე გამოიტანეს, რასაც თან ახლდა განსაკუთრებით დიდი ოდენობით შემოსავლის მიღება. მოკლედ, შეიძლება ითქვას, რომ ხაზარაძის საზოგადოებრივი მოძრაობის გეგმებს პროკურატურა მინიმუმ ერთი თვით წინ უსწრებს. ხაზარაძე და ჯაფარიძე საგამოძიებო უწყებაში 17 საათზე მივლენ და ალბათ გავიგებთ, აღკვეთის ღონისძიების სახით პროკურატურა სასამართლოში „თიბისი ბანკის“ დამფუძნებლებისთვის პატიმრობას მოითხოვს, თუ არა.

აქვე შეგახსენებთ, რომ საქმე „თიბისი ბანკის“ მიერ 2008 წელს განხორცილებულ ტრანზაქციას ეხება. 10 წლის შემდეგ ეს ტრანზაქცია ფინანსური მონიტორინგის სამსახურმა აღმოაჩინა. პროკურატურის ცნობით, გამოძიებით დადგენილია, რომ 2008 წლის აპრილსა და მაისში, ავთანდილ წერეთლის კუთვნილმა კომპანიებმა „სამგორი თრეიდმა“ და „სამგორი M”-მა, ,,თიბისი ბანკისგან", სათანადო უზრუნველყოფის გარეშე, დაჩქარებული წესით 17 მილიონ დოლარამდე სესხი მიიღეს. კომპანიების ანგარიშებზე სესხის თანხის განთავსებისთანავე, ხაზარაძემ და ჯაფარიძემ, ამავე კომპანიებიდან, როგორც ფიზიკურმა პირებმა, ისესხეს ზუსტად იმ ოდენობის თანხა, რაც ,,თიბისი ბანკმა“ საბრუნავი საშუალებების შევსების მიზნობრიობით ასესხა დასახელებულ კომპანიებს. უწყების ცნობით, 2008 წლის ბოლოს, „თიბისი ბანკმა“, ეს სესხები დაუსაბუთებლად ჩამოწერა და გარე საბალანსო ანგარიშზე გადაიტანა. ხოლო 2012 წელს, კომპანიების მიერ სესხის თანხის გადახდის გარეშე, ოფშორში რეგისტრირებული კომპანიის მიერ ჩანაცვლდა. „სამგორი თრეიდს“ და შპს „სამგორი M”-ს სესხები ისე ჩამოეწერა, რომ ამ კომპანიებს სესხის მომსახურებისთვის თანხა საერთოდ არ გაუღიათ და ეს სესხები ბანკს დღემდე არ დაბრუნებია.

მაჩვენე მეტი
ტეგები : #ახალიამბები #პოლიტიკა #საქმის კურსი #ბიზნესმედია #საქმიანები #მამუკა ხაზარაძე #BMG #ბადრი ჯაფარიძე #ფულის გათეთრება