55 759 785
ნახვა
3 867
ვიდეო

TESLA-ს მაგალითით შთაგონებულმა მილიარდელმა ახალი წყლის ტრანსპორტი შექმნა

გაზიარება შექმენი ლუპი
ივლისი 23, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

სტარტაპი X Shore შვედმა მილიარდელმა კონრად ბერგსტრომმა დააფუძნა. ბერგსტრომი ამბობს, რომ კომპანიის შექმნის უმთავრესი მიზეზი Tesla-ს და ილონ მასკის წარმატება გახდა. შვედ მილიარდელს სურს წყლის ტრანსპორტში ისეთივე გადატრიალება მოახდინოს, რაც Tesla-მ ავტოინდუსტრიაში შეძლო. კომპანიის მუშაობის პირველი შედეგი ელექტრო ნავი X Shore Eelex 8000-ია. კონრად ბერგსტრომი აცხადებს, რომ ელექტრო ნავის დამზადება გაცილებით რთულია, ვიდრე ელექტრომობილის. წყლის ტრანსპორტის ძრავი ბევრად მეტ ენერგიას მოიხმარს. შვედურმა კომპანიამ შედეგის მისაღწევად უფრო ეფექტური კორპუსი და ახალი ტრანსმისია შეიმუშავა. პროტოტიპს დამუხტვის შემდეგ 100 საზღვაო მილის (185 კილომეტრი) დისტანციის დაფარვა შეუძლია. X Shore Eelex 8000-ის მაქსიმალური სიჩქარე 74 კმ/სთ-ია. ტრანსპორტის ელექტრო ძრავს ხმა საერთოდ არ აქვს. ასე, რომ გადადგილების დროს ეკიპაჟს და მგზავრებს მხოლოდ წყლის ხმა ესმით. ტესლას მსგავსად X Shore პირველ ეტაპზე აქცენტს ექსკლუზიურობაზე აკეთებს. სერიული წარმოების გაფართოებას კომპანია მხოლოდ რამდენიმე წლის შემდეგ აპირებს. სწორედ ამიტომ X Shore-ის პირველი მოდელის ღირებულება 300 ათასი ევროა. კომპანიაში აცხადებენ, რომ მომავალში წარმოების გაზრდასთან ერთად პროდუქციის ფასი მნიშვნელოვნად შემცირდება.

მაჩვენე მეტი
ტეგები : #ახალიამბები #ტექნოლოგია
Georgian Daily News-ის აპლიკაცია