9 408 038
ნახვა
1 557
ვიდეო

კაჭრეთში, სასტუმრო „ამბასადორი“ ეროვნული თავდაცვის უმაღლეს კურსს მასპინძლობს

გაზიარება შექმენი ლუპი
ივლისი 17, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

კაჭრეთში, სასტუმრო „ამბასადორი“ ეროვნული თავდაცვის უმაღლეს კურსს მასპინძლობს

ეროვნული თავდაცვის უმაღლესი კურსი ოფიციალურად გაიხსნა. პირველი დღე საქართველოს ოკუპირებულ ტერიტორიებზე არსებული ვითარებისა და საქართველოს საგარეო პოლიტიკის პრიორიტეტების მიმოხილვას დაეთმო. ეროვნული უსაფრთხოების გარემოზე საუბრისას, თავდაცვის უწყების წარმომადგენლებმა მსმენელებს ეროვნული უსაფრთხოების უზრუნველყოფის პროცესში სამხედრო კომპონენტის როლზე, თანამედროვე გამოწვევებზე, საფრთხეებთან გამკლავების მექანიზმებსა და თავდაცვის ძალების მთავარ ამოცანებზე მიაწოდეს ინფორმაცია. პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა კურსის მონაწილეებს შეიარაღებულ ძალებზე საპარლამენტო კონტროლის მექანიზმები და სისტემის გამართულად მუშაობისთვის საპარლამენტო ზედამხედველობის მნიშვნელობა კიდევ ერთხელ გააცნო.
მომდევნო დღეების განმავლობაში ექსპერტები და სახელმწიფო უწყებების მაღალი თანამდებობების პირები მონაწილეებს შავი ზღვის უსაფრთხოების არქიტექტურაში საქართველოს როლზე, საერთაშორისო უსაფრთხოების სისტემაში მიმდინარე ტენდენციებზე, კიბერუსაფრთხოების კუთხით არსებულ გამოწვევებსა და სხვა აქტუალურ საკითხებზე პრეზენტაციებს წარუდგენენ.
კურსის ფარგლებში, საქართველოს თავდაცვის მინისტრი, ლევან იზორია თემაზე: „ეროვნული თავდაცვა გლობალური უსაფრთხოების სისტემაში“ ისაუბრებს, რის შემდეგაც დისკუსია გაიმართება.
ეროვნული თავდაცვის უმაღლესი კურსი საქართველოში მერვედ ტარდება. წელს სემინარს სამთავრობო უწყებების წარმომადგენლებთან ერთად, არასამთავრობო და კერძო სექტორის, ასევე, მედიის წარმომადგენლები და სტუდენტები ესწრებიან.

მაჩვენე მეტი