14 317 247
ნახვა
7 222
ვიდეო

ამერიკა-საქართველოს თავისუფალი ვაჭრობა - ჩანაწერი „საქართველოს მხარდაჭერის აქტში“

გაზიარება შექმენი ლუპი
მაისი 26, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ამერიკის შეერთებული შტატების კონგრესის ვებგვერდზე გამოჩნდა კანონპროექტი, რომელიც წარმომადგენელთა პალატის საგარეო ურთიერთობათა კომიტეტმა 22 მაისს დაამტკიცა და რომელიც გულისხმობს საქართველოს მხარდაჭერისთვის მზადყოფნას არაერთი მიმართულებით - უსაფრთხოება, თავდაცვისუნარიანობა, რუსეთის დეზინფორმაციასთან და პროპაგანდასთან ბრძოლა, ადამიანის უფლებების დაცვა რუსეთის მიერ ოკუპირებულ რეგიონებში და სრულიად კონკრეტული და მკაფიო ჩანაწერი: ამერიკა-საქართველოს თავისუფალი ვაჭრობა.

კონგრესს მიაჩნია, რომ საქართველოსთან მოლაპარაკებებმა ორმხრივი თავისუფალი ვაჭრობის თემაზე წინ უნდა წაიწიოს; მოლაპარაკებების პროცესში კი უნდა გააქტიურდეს შეერთებული შტატების წარმომადგენელი ვაჭრობის საკითხებში.

კიდევ ერთი საინტერესო კომპონენტი სანქციების კომპონენტია. უფრო დეტალურად: შეერთებული შტატების კონგრესი მოითხოვს მთელი რიგი სანქციების დაწესებას ყველა იმ პირისთვის, ვინც უშუალოდ არღვევს ადამიანის უფლებებს რუსეთის მიერ ოკუპირებული აფხაზეთისა და ცხინვალის რეგიონის ტერიტორიებზე. სასჯელი გათვალისწინებულია მათთვისაც, ვინც ეხმარება ადამიანის უფლებათა უხეშად დამრღვევებს. სანქციების სახით გათვალისწინებულია: აშშ-ში შესვლის აკრძალვა; ფინანსური აქტივების დაყადაღება.

კონგრესი ავალებს აშშ-ის პრეზიდენტს, აშშ-ის ხაზინის მდივანთან კონსულტაციის გზით, კანონის ამოქმედებიდან 60 დღის ვადაში დანაშაულში შემჩნეულ პირებზე საგანგებო ანგარიში წარუდგინოს კონგრესს.

სტუმარი: გენადი არველაძე - ეკონომიკის მინისტრის მოადგილე

მაჩვენე მეტი
ტეგები : #ეკონომიკის სამინისტრო #ანალიტიკა #თავისუფალი ვაჭრობა #ბიზნესმედია #საქმიანები #BMG #გენადი არველაძე