საშუალო წონით კატეგორიაში WBC-ის ვერსიით მსოფლიოს ექსჩემპიონი ადონის სტივენსონი რეანიმაციაში იმყოფება. რამდენიმე საათის წინ კანადელი ნოკაუტით დამარცხდა უკრაინელ ალექსანდრ გვოზდიკთან. ამის შესახებ სოციალურ ქსელ Twitter-ზე მისი პრომოუტერი, ივონ მიშელი წერს.
"ადონისის ოჯახი და GYM-ის ხელმძღვანელობა ახლა სტივენსონთან იმყოფება. ადონისი ამჟამად კრიტიკულ მდგომარეობაშია", - წერს იგი.
ივონ მიშელი მედიასაშუალებებს სიმშვიდისკენ მოუწოდებს და როგორც ამბობს, მოკრივის ოჯახის წევრები დეტალების შესახებ საუბარს არ აპირებენ. გვოზდიკმა მე-10 რაუნდში მარცხნიდან სტივენსონს ძლიერად დაარტყა - ეს უკანასკნელი ფეხზე გაჭირვებით წამოდგა, თუმცა, უკვე მე-11 რაუნდში უკრაინელმა დარტყმების მთელი სერიის შემდეგ სტივენსონი ნოკაუტში ჩააგდო. სოციალურ ქსელ Twitter-ზე იწერება, რომ სტივენსონი გარდაიცვალა, თუმცა, ინფორმაცია ამ მომენტისთვის არ დასტურდება.

გამოიწერეთ ჩვენი სპორტ გვერდი უახლესი სპორტული ვიდეოების სანახავად.