პირველი - ვინ არის ენჯელ ინვესტორი? ენჯელ ინვესტორები აბანდებენ მცირე სტარტაპებში ან დამწყებ ანტრეპრენერებში. ხშირად, ისინი ანტრეპრენერის ოჯახისა და მეგობრების წრეში მოიძებნებიან ხოლმე. ენჯელ ინვესტორის მხარდაჭერა შეიძლება იყოს ერთჯერადი ინვესტიცია ბიზნესის დასაწყებად ან უფრო ხანრგძლივი, როდესაც ინვესტორი იღებს გადაწყვეტილებას, ინვესტირება კომპანიისთვის რთულ პერიოდშიც გააგრძელოს იმის გათვალისწინებით, რომ ის განვითარების ადრეულ ეტაპზეა.

მეორე - რით გამოირჩევიან ენჯელ ინვესტორები სხვა ტიპის მსესხებლებისგან? მათი პირობები უკეთესია, რადგან ისინი როგორც წესი დამწყებ ანტრეპრენერებთან თანამშრომლობენ და არა უკვე ფეხზე მდგომ, გამართულ ბიზნესებთან. ენჯელ ინვესტორების მთავარი მიზანია სტარტაპებს პირველი ნაბიჯები გადაადგმევინონ, ვიდრე ის, რომ მათგან უცებ მიიღონ მოგება.

მესამე - ვინ შეიძლება გახდეს ენჯელ ინვესტორი? აკრედიტებული ინვესტორებისთვის გარკვეული სტანდარტები არსებობს, რომლებსაც სპეციალური კომისია - SEC-ი არეგულირებს. ამ წესების მიხედვით, ენჯელ ინვესტორობას შეძლებს მხოლოდ ის, ვისი ქონების ღირებულებაც ვალდებულებების გამოკლებით სულ მცირე მილიონი ამერიკული დოლარია და ყოველწლიური შემოსავალი 200 ათას ამერიკულ დოლარს უტოლდება.

სტუმარი: მარიამ რუსიშვილი - “ქუიქ ქეში“-ს დამფუძნებელი

30.11.2018