ზუგდიდში ე.წ. საკონსერვოს დასახლებაში მცხოვრებ დევნილებს მათივე კუთვნილ დახმარებას, როგორც ხელისუფლების საჩუქარს ისე ურიგებენ - ამი შესახებ ზუგდიდში გაერთიანებული ოპოზიციის შტაბის ხელმძღვანელი მურთაზ ზოდელავა აცხადებს, ვიდეო კადრებში, რომელიც ოპოზიციამ გაავრცელა, ჩანს კონკრეტული ავტომობილი, რომელიც ზოდელავას განცხადებით, ვინმე „ლისის“ კუთვნილებაა, რომელიც ტყის ძმების წევრია. „დარწმუნებული ვარ ვინმე ლისი ვერასოდეს გაბედავდა მსგავს ქმედება, რომ არ ჰქონდეს მითითება შს სამინისტროდან, რომ მას ვერავინ შეეხება“ - აცხადებს ზოდელავა,
ანი წითლიძის თქმით, ტყის ძმების ხელმძღვანელის დათო შენგელიას შტაბიდან ხახვს, კარტოფილს, ზეთს, მაკარონს და ფქვილს არგებენ.

ერთ-ერთი დევნილი მამაკაცი, რომელსაც პროდუქტის ატანაში ოპოზიციის წევრები მიეხმარნენ, ამბობს რომ პროდუქტი მას ვინმე ჯუსტან ჯობავამ მიუტანა, რომელიც ოცნების შტაბში დევნილების ხაზს კურირებს

მურთაზ ზოდელავამ დევნილებს განუმარტა, რომ ეს არ არის ქართული ოცნების საჩუქარი და რომ ეს მათი კუთვნილი დახმარებაა, რომელიც ოფიციალურად ეკუთვნით.

„ეს ადამიანები არიან ოპოზიციის მომხდე და ვეუბნებით, რომ დიახ, უნდა გამოართვან დახმარება და გააკეთონ არჩევანი ისევ ოპოზიციის სასარგებლოდ, როგორც ეს პირველ ტურში. ისინი ამბობენ, რომ ვაშაძის მხარდამჭერები არიან. ეს გაჭირვება და სიდუხჭირე იმდენად მოდებულია ივანივილის წყალობით, რომ უარს არ ეუბნებიან და ძალიანაც კარგი, და არც აპირებენ რომ მიცენ ხმა. სადაც გადავეყრებით ვამხელთ ყველაგან. აქ დგას ვინმე „ლისის“ მანქანა, შენგელია შტაბიდან, რომელიც არის ოდიოზური ფიგურა“ - განაცხადა მურთაზ ზოდელავამ.