საბერძნეთში მღვდლებს სახელმწიფო მოხელის სტატუსს ჩამოართმევენ. ბიბისის ინფორმაციით, საბერძნეთის ხელისუფლების გადაწყვეტილებით, მართლმადიდებელი ღვთისმსახურები ვერც სახელმწიფო მოხელის ხელფასს მიიღებენ. შესაბამისი შეთანხმება საბერძნეთის პრემიერ-მინისტრმა ალექსის ციპრასმა და "არქიეპისკოპოსმა იერონიმ II-მ" გააფორმეს. ეს გადაწყვეტილება საბერძნეთში საერო და საეკლესიო ხელისუფლების განცალკევებისკენ გადადგმული კიდევ ერთი ნაბიჯია. შეთანხმების მიხედვით, სახელმწიფო ეკლესიას გამოუყოფს სუბსიდიებს, რაც მღვდლების ხელფასს მოხმარდება.