საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო იტალიაში, ქ. რომში ჯანმრთელობის მსოფლიო ორგანიზაციის ევროპის რეგიონული კომიტეტის 68-ე სესიას ესწრება. სესიაზე სიტყვით გამოსვლისას დავით სერგეენკომ საყოველთაო ჯანდაცვის პროგრამის მნიშვნელობაზე ისაუბრა.
ჯანდაცვის მსოფლიო ორგანიზაციის მიერ აღნიშნული ღონისძიება ყოველწლიურად იმართება და მასში მონაწილეობს ევროპის რეგიონის 53 ქვეყნის დელეგაცია, ჯანდაცვის მინისტრების ხელმძღვანელობით.