ლიეტუვის თავდაცვის სამინისტროს კიბერუსაფრთხოების ცენტრის მიერ მომზადებული ანგარიშის მიხედვით, რუსული კომპანია „იანდექს ტაქსის“ აპლიკაციის გამოყენება შესაძლოა, სახიფათო იყოს. როგორც უწყებაში ამბობენ, სრულიად შესაძლებელია, აპლიკაციის გამოყენებით მომხმარებელთა პირადი მონაცემების უკანონოდ მოპოვება და შეგროვება ხდებოდეს. ამის გამო ლიეტუვას თავდაცვის სამინისტრო  მოქალაქეებს რეკომენდაციით მიმართავს, თავი შეიკავონ აღნიშნული აპლიკაციის ტელეფონში ჩაწერისგან. განსაკუთრებით ეს ეხება სახელმწიფო მოხელეებსა და ძალოვან უწყებებში მომუშავე პირებს.თავად რუსულ კომპანიაში აცხადებენ, რომ ევროკავშირის კანონმდებლობით მოქმედებენ და ყველა ბრალდებას უარყოფენ