#სპორტი #fanebi #fanebiCOM #Sport -


7 ივლისს, მსოფლიოს 2018 წლის ჩემპიონატის მეოთხედფინალში ხორვატიის ნაკრებმა მასპინძელი რუსეთი პენალტების სერიაში დაამარცხა და ნახევარფინალის საგზური მოიპოვა.

მატჩის დასრულების შემდეგ, ინტერნეტსივრცეში ხორვატიის ნაკრების ფეხბურთელის, დომაგოი ვიდასა და ერთ-ერთი მწვრთნელის, ოგნენ ვუკოევიჩის მიმართვა გავრცელდა.

"დიდება უკრაინას!" - ამბობს ვიდა, რომელიც "ბეშიქთაშის" ფეხბურთელია, მაგრამ ხუთი 2013 წლიდან 2018 წლამდე კიევის "დინამოს" ღირსებას იცავდა.

"ეს გამარჯვება "დინამოსთვის" და უკრაინისთვისაა", - ეს სიტყვები კი ვუკოევიჩს ეკუთვნის. გარდა იმისა, რომ ის ხორვატიის ნაკრების სამწვრთნელო შტაბში მუშაობს, ის კიევის "დინამოს" სკაუტიცაა. 2008 წლიდან 2015 წლამდე ვუკოევიჩი "დინამოს" რიგებში ირიცხებოდა, ერთ სეზონში კი მოსკოვის "სპარტაკშიც" იყო განათხოვრებული.