საქართველოს თავდაცვის სამინისტრო ადამიანური რესურსების მართვის თანამედროვე და ეფექტური სისტემის ინსტიტუციურ განვითარებას აგრძელებს. ამ მხრივ ერთ-ერთ მნიშვნელოვან მიმართულებას შეიარაღებული ძალებიდან დათხოვნილი სამხედრო მოსამსახურეების პროფესიული გადამზადებისა და სამოქალაქო საზოგადოებაში წარმატებული რეინტეგრაციის სისტემის განვითარება წარმოადგენს.
აღნიშნული მიმართულებით აქტიურად მიმდინარეობს თანამშრომლობა ნატოს ექსპერტთა ჯგუფთან, რომელიც თბილისს ეწვია. ვიზიტის ფარგლებში შეხვედრა გაიმართა საქართველოს თავდაცვის მინისტრის მოადგილესთან ნუკრი გელაშვილთან. შეხვედრაზე განხილულ იქნა სამხედრო კარიერის ტრანზიციის სისტემის ჩამოყალიბებასთან დაკავშირებული იდეები, ძირითადი რეალიები, შესაძლებლობები და მიდგომები. ვიზიტის ძირითად მიზნას ეროვნულ დონეზე არსებული ინსტიტუციური გარემოს გაცნობა, ანალიზი და შეფასება წარმოადგენდა. ნატოს ექსპერტთა ჯგუფმა შეხვედრა J-1- ის დეპარტამენტის წარმომადგენლებთანაც გამართა.