სულ ცოტა ხნის წინ ბრიტანეთის სამეფო ოჯახის ქორწილი საქართველოშიც დიდი განხილვის თემა იყო, ახლა კი ჩვენი სამეფო ოჯახის წარმომადგენლები მოექცნენ ყურადღების ცენტრში. 4 წლიანი თანაცხოვრების შემდეგ პრინცესა ქრისტინე ძიძიგურმა და პრინცმა ხუან იგივე იოანე ბაგრატიონ მუხრანელმა ჯვარი სვეტიცხოვლის ტაძარში დაიწერეს.
ეს არ არის კონკიას ამბავი, თუმცა ისტორია მაინც ზღაპარს ჰგავს. პრინცი ხუან იგივე იაონაე ბაგრატიონი ესპანეთში გადასახლებული მუხრანელი ბაგრატიონების შთამომავალია. ის ირაკლი ბაგრატიონის შვილიშვილი და ბაგრატ ბაგრატიონის ვაჟია, რომელიც თავის მხრივ ესპანეთის სამეფო კარის წევრი და მეფე ხუან კარლოსის ახლო ნათესავია. რაც შეეხება პრინცის დედას: მარია დელ კარმენ დე ულუა სუელვესი, ასევე ესპანეთის სამეფო შტოს წარმომადგენელია. ერთ დღესაც იოანე ბაგრატიონმა საქართველოს უკეთ შეცნობა და მეგობრების გაჩენა გადაწყვიტა, მისმა მეგობრებმა კი ქართველ პრინცესას ქრისტიან დიორის პარფიუმერული ხაზის ერთ-ერთ სახეს ქრისტინე ძიძიგურს დააკავშირეს, რათა ის პრინც მეგობრების და კონტაქტების შეძენაში დახმარებოდა. ახლო მეგობრობა კი როგორც ხშირ შემთხვევაში ხდება სიყვარულში გადაიზარდა. წყვილმა 4 წლის წინ ესპანეთის ქალაქ რონდაში ხელი მოაწერეს. ქართული ტრადიციული ჯვრისწერა კი მათი შეუღლებიდან 4 წლის შემდეგ მოხდა.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები