#სპორტი #SPORT #vedetta - ლისაბონის “სპორტინგს” საკუთარი გულშემატკივრები განუდგნენ. A Bola-ს ინფორმაციით, ჟორჟე ჟესუსის გუნდს ბაზაზე ვარჯიშის დროს 50-მდე ქომაგი თავს დაესხნენ და ფეხბურთელებს ფიზიკურად გაუსწორდნენ. დაშავებულნი არიან მთავარი მწვრთნელი ჟესუსი, მისი ასისტენტი რაულ ჟოზე და ფეხბურთელები: ბას დოსტი, ვილიამ კარვალიო, აკუნია, როდრიგო ბატალია და მეკარე რუი პატრისიუ.ფანების აგრესია პორტუგალიის ჩემპიონატში წარუმატებელმა ასპარეზობამ გამოიწვია. საგრეს ლიგის ბოლო ტურში “სპორტინგი” სტუმრად “მარიტიმუსთან” დამარცხდა (1:2) და ჩემპიონთა ლიგის ზონის მიღმა დარჩა. თანაც, დაუძინებელ მტრებს, “ბენფიკასა” და “პორტუს” ჩამორჩა.
ახლა კი, ლისაბონელები პორტუგალიის თასის ფინალისთვის ემზადებოდნენ, რომელიც 20 მაისს, “ავეშის” წინააღმდეგ უნდა ჩაატაროს. თუმცა, პორტუგალიური მედიის ცნობით, კლუბი უარს იტყვის აღნიშნულ შეხვედრაში მონაწილეობაზე. გარდა ამისა, ფეხბურთელთა ნაწილს კონტრაქტის გაწყვეტის გადაწყვეტილებაც მიუღია...