შეგვიძლია თამამად ვთქვათ, რომ თბილისი ჯაზ ფესტივალების გულია. ეს უკანასკნელი კი აგერ უკვე 21-ე სეზონს ითვლის. ფესტივალის წარმატებულობა 80-იან წლებშიც ნათელი იყო, მაშინ როდესაც თბილისში ერთდროულად რვა ამერიკული ლეგენდარული ანსამბლი შეიკრიბა. თბილისის რიგით 21-ე ჯაზ ფესტივალიც ლეგენდარულმა ჯგუფმა, the bad plus-სმა გახსნა. კონცერტი ივენთ ჰოლში გაიმართა. დაწყებამდე კი ქართველი მსმენელის წინაშე ახალგაზრდა მუსიკოსებისგან შემდგარი ბენდი, სანდრო ბიბიჩ ტრიო წარსდგა. რაც შეეხება the bad plus-ს, ბენდის ისტორია 1989 წლიდან იწყება. სწორედ 89 წელს ეტან ივერსონმა, რიდ ანდერსონმა და დევიდ ქინგმა პირველად შეასრულეს ერთობლივი კომპოზიციები. სახელწოდება „ბედ პლუსი“ კი 2000 წლიდან არსებობს. თბილისის ჯაზ ფესტივალის რიგით მე-2 დღეს კი ჯაზმოყვარულების წინაშე აკაპელას ჟანრში მოღვაწე ამერიკული ჯგუფი Naturally 7 წარსდგა, რომელიც 1999 წელს ნიუ-იორკში შეიქმნა. ჯგუფმა დარბაზში ნამდვილი ცეცხლი დაანთო და მსმენელს მოდუნების საშუალება არ მისცა.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები