* შარლიზ ტერონმა ფილმისთვის „ტული“ 23 კილოგრამი მოიმატა. ახალ კინოსურათში, რომელიც ეკრანებზე მალე გამოდის, ოსკაროსანი მსახიობი სასოწარკვეთილი მარტოხელა დედის როლს განასახიერებს. ინტერნეტში უკვე გამოჩნდა კადრები ფილმიდან, სადაც შარლიზ ტერონი საგრძნობლად არის მომატებული წონაში. Entertainment Tonight-ისთვის მიცემულ ინტერვიუში ტერონმა განაცხადა, რომ წონაში მომატების გადაწყვეტილება თავად მიიღო, რადგან სურდა უკეთ გაეგო, რას გრძნობდა მისი გმირი.
* კანის კინოფესტივალმა ლარს ფონ ტრიერს 7-წლიანი აკრძალვა მოუხსნა და „პერსონა ნონ-გრატის“ სტატუსი გაუუქმა. სწორედ ფესტივალის ფარგლებში შედგება მისი ახალი ფილმის, „სახლი, რომელიც ჯეკმა ააშენა“, პრეზენტაცია. რეჟისორის თქმით, ფილმის შექმნის დროს მისი “შთაგონების წყარო” დონალდ ტრამპი გახდა. შეგახსენებთ, რომ ტრიერი კანის კინოფესტივალზე „პერსონა ნონ-გრატად“ 2011 წელს გამოაცხადეს, მას შემდეგ რაც ფილმ “მელანქოლიას” პრესკონფერენციის რეჟისორმა საკუთარ თავს ნაცისტი უწოდა და თქვა, რომ ჰიტლერის ესმის. ბოდიშის მიუხედავად, ფესტივალმა აღნიშნული სტატუსი მას არ მოუხსნა.
* ანჯელინა ჯოლისთან დაშორების შემდეგ, ბრედ პიტმა შვება არქიტექტურაში იპოვა. თუმცა ჩვეულებრივი ჰობი მის საყვარელ საქმიანობად იქცა და ამჟამად ცნობილი ხდება, რომ პიტი სამსახიობო კარიერაზე უარის თქმას და მთლიანად ამ საქმით დაკავებას გეგმავს. ამ გადაწყვეტილებას კი ის სისრულეში მაშინ მოიყვანს, როდესაც ყველა კონტრაქტს, რომლებიც ამჟამად აქვს გაფორმებული, ვადა გაუვა. ინსაიდერი ამტკიცებს, რომ პიტის ეს უცნაური გადაწყვეტილება დიდად არის დაკავშირებული მის ახალ სიყვარულთან – ნერი ოქსმანთან, რომელიც ამ სფეროს ცნობილი წარმომადგენელია. ბრედთან დაახლოებული წყაროს ცნობით, მსახიობი ამჟამად თავს ძალიან ბედნიერად გრძნობს.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები