https://www.facebook.com/tvpirveli/

ტეგები: #ტვპირველი #ტელევიზია #სიახლეები #პოლიტიკა

პირველი მამაკაცი მსოფლიოში, რომელსაც სახე მეორედ გადაუნერგეს, თავს კარგად გრძნობს. ჟერომ ამონს სახე პირველად 8 წლის წინ გადაუნერგეს და რეაბილიტაციის პროცესიც კარგად წავიდა, თუმცა 5 წლის მერე გაუთვალისწინებელი რამ მოხდა. ჟერომი გაცივდა და ექიმმა მას ანტიბიოტიკები გამოუწერა, რომლის მიღების მერეც გადანერგილ სახეზე კაცს პრობლემები დაეწყო და ნეკროზული პროცესი განუვითარდა. ამის გამო 2017 წლის ნოემბერში ჟერომს სახე მოაცილეს.

მას მერე პაციენტი საავადმყოფოში სახის გარეშე იმყოფებოდა და დონორის ახალ სახეს ელოდებოდა. ახლა ჟერომს კიდევ ერთი ახალი სახე აქვს და ექიმებიც ადასტურებნ, რომ ყველაფერი კარგადაა.

მამაკაცმა სახე იშვიათი გენეტიკური დაავადების გამო დაკარგა. მას სახეზე სიმსივნური წარმონაქმნები გაუჩნდა, რის გამოც ექიმებმა თავის დროზე სახის კანი მთლიანად მოაჭერეს.

ამ დროისთვის მსოფლიოში სახის გადანერგვის 40 ოპერაციაა გაკეთებული. ჟერომ ამონი კი პირველია, ვისაც სახის გადანერგვა ორჯერ დასჭირდა. 43 წლის მამაკაცს ახლა ახალგაზრდა კაცის სახე აქვს.