#სპორტი #fanebi #fanebiCOM #Sport -

16 აპრილს, გერმანიის ბუნდესლიგაში "მაინცმა" საკუთარ მოედანზე "ფრაიბურგი" მიიღო და მეტოქე 2:0 დაამარცხა.

პირველი ნახევრის დასრულებამდე წამებით ადრე, "ფრაიბურგის" ფეხბურთელს, კემპფს ბურთი ხელზე მოხვდა, თუმცა არბიტრებმა ეს მომენტი ვერ შეამჩნიეს. გუნდები შესვენებაზე მიდიოდნენ, "ფრაიბურგის" მეკარე კი უკვე გასახდელში იყო, როცა მთავარ არბიტრს შეატყობინეს, რომ ეპიზოდი ვიდეო რეფერიმ განიხილა. საბოლოოდ, სტუმართა საჯარიმოში თამაშის წესის დარღვევა დაფიქსირდა და თერთმეტმეტრიანი დაინიშნა.

"ფრაიბურგის" კარი დარაჯი შვოლოუ მოედანზე დაბრუნდა და კარებში ჩადგა, თუმცა მან პენალტის მოგერიება ვერ შეძლო, "მაინცი" კი დაწინაურდა.