https://www.facebook.com/tvpirveli/

ტეგები: #ტვპირველი #ტელევიზია #სიახლეები #პოლიტიკა

ჩინეთში ოჯახმა 24 წლის წინ დაკარგული შვილი იპოვა…

ვან მინ ცინს და მის ცოლს 24 წლის წინ ხილის დახლი ჰქონდათ. ერთხელ, საღამოს, როდესაც კაცი მეზობელ ფარდულში ფულის დასახურდავებლად გავიდა, ბავშვი, რომელიც იქვე დახლთან თამაშობდა, დაიკარგა.

მშობლებს მას მერე შვილის ძებნა ერთი დღით არ შეუწყვეტიათ. ოჯახი, რომელსაც ამ ამბის მერე კიდევ ორი შვილი შეეძინა, საცხოვრებელი ადგილის შეცვლაზეც უარს ამბობდა იმის იმედით, რომ ოდესმე დაკარგული გოგონა გამოჩნდებოდა. რამდენიმე წლის წინ მამა ტაქსისტად მოეწყო იმ იმედით, რომ მანქანაში ჩამჯდარ რომელიმე მგზავრს შესაძლოა, რამე სცოდნოდა. კაცმა მანქანაში შესაბამისი განცხადებაც გააკრა და რაკი დაკარგული შვილის ფოტო ვერ ექნებოდა, განცახდებას უმცროსი შვილის ფოტო დაურთო, რომელიც ძალიან ჰგავდა დაკარგულ უფროს დას.

თანდათანობით, ტაქსის მგზავრებმა ამ ისტორიის შესახებ სოციალურ ქსელებში დაიწყეს წერა. დაკარგული გოგონას ამბით ჩინური გაზეთებიც დაინტერესდნენ.

საქმეში გარღვევა ახლახანს მოხდა. 24 წლის წინ დაკარგულმა გოგონამ, რომელსაც უკვე ქმარი და 2 შვილი ჰყავს, ფოტოზე გამოსახული გოგონა საკუთარ თავს მიამსგავსა და გადაწყვიტა დაერეკა. ამის მერე საქმე დაიძრა, დნმ-ს ანალიზმა ვარაუდი დაადასტურა. რა მოხდა ამის მერე ამ ვიდეოზე შეგიძლიათ ნახოთ…