საქართველოს კომუნიკაციების ეროვნული კომისიის თავმჯდომარე, კახა ბექაური სატელევიზიო-სარეკლამო ბაზრის მოცულობაზე, კომისიის შეფასებას და ამ შეფასებასთან დაკავშირებით გამოთქმულ კრიტიკულ განცხადებებს იმედის კვირაში გამოეხმაურა.
მისი თქმით, კომისიის მიერ მიღებული ყველა გადაწყვეტილება სარეკლამო ბაზრის გაზრდას ითვალისწინებდა, კახა ბექაურმა ასევე განაცხადა, რომ კომუნიკაციების ეროვნულ კომისიას ახალი ფუნქცია დაეკისრა და ესაა, მედია წიგნიერების ფუნქცია. განცხადება გაკეთდა საზოგადოებრივი მაუწყებლის სამეურვეო საბჭოს ირგვლივ განვითარებულ მოვლენებზეც.
კახა ბექაური: ფიქსირებული ხარჯების შემცირება, პირიქით, პოზიტიურ ეფექტს მოახდენს, იმ თვალსაზრისით, რომ მომხმარებელს ან დაბალ ფასად შეეძლება იგივე მომსახურების მიღება, ან იგივე ფასად, უფრო უკეთეს პროდუქტებს მიიღებს. საზოგადოებრივი მაუწყებლის დამოუკიდებლობას უზრუნველყოფენ სამეურვეო საბჭოს წევრები და სამეურვეო საბჭოს წევრები, მათი პიროვნული თავისუფლების ხარისხი უნდა იყოს მაღალი. ზაზა შათირიშვილის კანდიდატს, მე მგონია, რომ თავისუფლების ხარისხი, საკმაოდ მაღალია.