კრწანისში მდებარე საერთო საჯარისო ცენტრში საბრძოლო მხარდამჭერი სკოლის ლოგისტიკის უმცროს ოფიცერთა მომზადების კურსის გამოშვების ცერემონია გაიმართა. მონაწილეებს კურსის წარმატებით დასრულება წვრთნებისა და სამხედრო განათლების სარდალმა, პოლკოვნიკმა მალხაზ მაკარაძემ მიულოცა და ლოგისტიკის გვარეობის განვითარების მნიშვნელობაზე ისაუბრა.
ლოგისტიკის კურსი ხუთი თვის განმავლობაში 26 სამხედრო მოსამსახურემ გაიარა. კურსი ოთხ მოდულად მიმდინარეობდა, რომლის ფარგლებში, მონაწილეებმა საერთო-საჯარისო დისციპლინები და ლოგისტიკური უზრუნველყოფის საფუძვლები შეისწავლეს.
დღესვე, კურსდამთავრებულებს დიპლომები გადაეცათ.
თავდაცვის სამინისტრომ 2018 წელი უწყებაში ლოგისტიკის წლად გამოაცხადა. თავდაცვის მინისტრის, ლევან იზორიას განცხადებით, რეფორმის მიზანი შეიარაღებული ძალების ლოგისტიკური უზრუნველყოფის დეცენტრალიზება, ავტონომიურობა, მობილურობა და შეიარაღებული ძალების ლოგისტიკური უზრუნველყოფის მართვისა და კონტროლის გამარტივებაა.