ოკუპანტები და სეპარატისტები, თვლიან, რომ ქართულ კაცს შეიძლება მოუკლან შვილი, მოუკლან ძმა, მოუკლან მამა და ცხედარიც კი არ მისცენ !
სხვაგან ნუ ვეძებთ ! ჩვენს კისერზეა მათი სიკვდილი !
რომელ ქართულ ღირსებაზე მიმითითებს მავანნი, როცა გიგას მკვლელი კანჯი ოღლი და სხვა სეპარატისტები, ოკუპანტის ჯალათებთან ერთად ყავის დასალევად ჩვენს ე.წ. კონტროლირებად ტერიტორიაზე გადმოდიოდნენ და იქ მათთვის სახელდახელოდ მოწყობილ ,,ბუტკებში'' აღებ-მიცემობა ჰქონდა გამართული ზოგიერთ ჩვენს ადგილობრივ თანამოქალაქეს !!!
ჩვენი ბრალია, რომ კანჯი ოღლის ვერ მივწვდით და ისევ ცოცხალია ! რომელი ციხე ? მან მეტი დაიმსახურა ქართული სახელმწიფოს და ქართველი ხალხის შეურაცხყოფისთვის !
ჩვენი ბრალია, რომ ანწუხელიძის, დამენიას და შინდისის ბიჭების მკვლელებს უსახური ფორმატებით ვესაუბრებით, სადაც აქეთ გვიქნევენ თითს თითქოს ვინმეს რამეს ვეცილებოდით და რამეს ვართმევდით !
ჩვენი ბრალია, რომ გაბედეს და არჩილ ტატუნაშვილი წამებით მოკლეს, ახლა კი ცხედრის გადმოცემაზე გვახვეწნინებენ ! რა უნდა რუსეთის პროზექტურაში არჩილის ცხედარს ?!
ხელისუფლებებს აქვს ვალდებულებები, სადაც გიგა მოკლეს იქ სავაჭრო ჯიხურის ნაცვლად საგუშაგო უნდა მდგარიყო, მაგრამ სად არის ხალხის ფუნქცია ?! სად არის ჩვენი ღირსება, როცა გვიკლავენ ძმას და ცხედარსაც კი არ გვაძლევენ, ამ დროს როგორ არ გრცხვენიათ სახლში ყოფნა, კლუბებში ცეკვა და დუქნებში ქეიფი !
არ მაინტერესებს პოლიტიკოსები და ლიდერები, ე.წ. ოპოზიცია და ხელისუფლება ! მე მაინტერესებს, სად არის ჩვენი ნაქები ღირსება და სად არის ჩვენი ფუნქცია დღეს !
მე მინდა მადლობა გადავუხადო ჩვენს თანამოქალაქეს, დავით ქაცარავას, მის გვერდით მდგომ 20-მდე ადამიანს, რომლებიც ჩვენს სათქმელს ამბობენ უჩვენოდ, მილიონობით ქართველს ამბობენ !
#ირაკლიღლონტი #პოლიტიკა