საქართველოს ტელესივრცეში ყველაზე პოპულარული სერიალის ყურადღების ცენტრში მუდმივად ხვდება ქვეყანაში არსებული აქტუალური თემები. გამონაკლისი არც მე-12 სეზონი აღმოჩნდა. ოჯახური ძალადობის მსხვერპლი ქალები სერიალში ადრეც არაერთხელ გამოჩენილან თუმცა მე-12 სეზონის ბოლო სერიის ბოლო მომენტმა გულგრილი არავინ დატოვა. ადრე თუ ქალების უფლებების დასაცავად ფემინისტი თინა იბრძოდა, რომელსაც ეს სამსახურეობრივადაც ევალებოდა, ახლა ქალების გაერთიანების და მსხვერპლის გადარჩენის ინიციატორი, რიგითი დიასახლისი ნინა გახდა. ნინას საქციელმა საზოგადოებას აჩვენა, რომ ძალადობის მხვერპლის დასაცავად არ არის აუცილებელი არასამთავრობო სექტორს წარმოადგენდე, სწორედ ნინა იქცა ქალური სოლიდარობის სიმბოლოდ და მან მსხვერპლის დასაცავად ქალების გაერთიანებაც შეძლო.

ამ ემოციურ მომენტს კიდევ უფრო მეტი დატვირთვა შესძინა ლადო ბურდულის სიმღერამ „ჩემო მშვენიერო ლედი.“

აღნიშნული ვიდეო ინტერნეტში 160 ათასზე მეტმა ადამიანმა ნახა და 20 ათასამდე ადამიანმა გაიზიარა.