ლონდონის მოდის კვირეულის ერთ-ერთ ჩვენებაზე, ბრიტანეთის დედოფალმა ელიზაბეტმა დამსწრე საზოგადოებას სიურპრიზი მოუწყო და საღამოზე გამოცხადდა.iინფორმაციას BBC ავრცელებს.91 წლის ასაკში, დედოფალი პირველად დაესწრო მოდის კვირეულს. ჩვენების დროს, ის Vogue-ს რედაქტორის, ანა ვინტურის გვერდით იჯდა.ელიზაბეტმა რიჩარდ ქვინის შექმნილი კოსტიუმები ნახა და ისე მოიხიბლა, რომ დიზაინერს "ბრიტანული მოდის მემკვიდრე" უწოდა და დედოფლის ჯილდო გადასცა.

BAFTA-ს დაჯილდოვების ცერემონიაზე , ანჯელინა ჯოლი ლონდონში სტუდენტებს შეხვდა და ეკონომიკის სკოლაში მათთვის სემინარი ჩაატარა. ანჯელინას პედაგოგიურ საქმიანობაზე ინფორმაცია ჯერ კიდევ 2016 წელს გავრცელდა და ცნობილი გახდა, რომ ის ლექციებს ქალთა უფლებების თემაზე ჩაატარებდა. ლექციაზე ანჯელინამ ქალთა როლზე, სექსუალურ ძალადობასა და კონფლიქტურ რეგიონებში მცხოვრები ქალების შესახებაც ისაუბრა.ანჯელინამ საჯარო ლექციისთვის არჩევანი თეთრი ფერის ბლუზზე გააკეთა. ლექციის ძირითადი კურსის დასრულების შემდეგ მან სტუდენტების კითხვებსაც უპასუხა. ცნობილია, რომ ლექციების კურსი 9 თვიანია და ის 2018 წლის ბოლოს დასრულდება.

ჯორჯ კლუნი და მისი არანაკლებ ცნობილი იურისტი ცოლი ამალ კლუნი ნახევარ მილიონ დოლარს გაიღებენ იმ მარშის დასაფინანსებლად, რომლის მიზანი იარაღთან დაკაშირებით ამერიკის შეერთებული შტატების პოლიტიკის გაკრიტიკება და შეცვლაა. ამის შესახებ ინფორმაციას Veriety ავრცელებს.მარში” ჩვენი სიცოცხლისთვის” 24 მარტისთვის ვაშინგტონში არის დაგეგმილი და მისი ორგანიზატორები ის სტუდენტები არიან, რომლებიც რამდენიმე დღის წინ ფლორიდის ერთ–ერთ სკოლაში თავდასხმას სასწაულებრივად გადაურჩნენ. ამ სკოლიდან გარიცხულმა ნიკოლას კურზმა შეიარაღებული თავდასხმა სკოლაზე 15 თებერვალს მოაწყო, რასაც 17 ადამიანი ემსხვერპლა, 15 კი დაშავდა.24 მარტის მარშს, არასამთავრობო ორგანიზაცია “Everytown for Gun Safety-სთან” ერთად, ორგანიზებას უწევენ მასობრივ მკვლელობას გადარჩენილი ახალგაზრდები. ამერიკის შეერთებული შტატების პოლიტიკა იარაღის უკონტროლოდ გაყიდვასთან დაკაშვირებით უკვე წლებია, მწვავე განხილვების თემაა ამერიკულ საზოგადოებაში.