ლელა ჩიქოვანი JTEC-ის ექსპერტებს შეხვდა

საქართველოს თავდაცვის მინისტრის პირველი მოადგილე ლელა ჩიქოვანი ნატო-საქართველოს წვრთნისა და შეფასების ერთობლივი ცენტრის (JTEC) ახალ ექსპერტებს შეხვდა. ფინეთის, გაერთიანებული სამეფოსა და ესპანეთის წარმომადგენლები ლელა ჩიქოვანს ნატო-საქართველოს წვრთნისა და შეფასების ერთობლივი ცენტრის ხელმძღვანელმა მარიუს ნილსენმა და ნატო-საქართველოს არსებითი პაკეტის (SNGP) ძირითადი ჯგუფის (NATO Core Team) ლიდერმა, საზღვაო ძალების პირველი რანგის კაპიტანმა შტეფან ანიქოფერმა წარუდგინეს.

ფინელი ექსპერტი, ვიცე-პოლკოვნიკი ანსსი ურიელა JTEC-ში მიმდინარე სწავლებების დაგეგმვასა და აღსრულებაზე იქნება პასუხისმგებელი. გაერთიანებული სამეფოდან მოვლენილი ექსპერტი, კაპიტანი ტობიას ჯეიმს ჰანუ ბენეტი საველე სწავლებებს უხელმძღვანელებს, ხოლო ესპანეთის სამეფოს წარმომადგენელი, ვიცე-პოლკოვნიკი ნორბერტო სილიო ბატურონე JTEC-ის DCB Trust Fund-ის საკითხებზე იმუშავებს.

გაცნობითი ხასიათის შეხვედრაზე მხარეებმა სამომავლო თანამშრომლობის დეტალები და განსახორციელებელი პროექტები განიხილეს.