BOXING Division cruiserweight 2018 -01- 27 Oleksandr Usyk VS Mairis Briedis WBC World Cruiserweight Title,WBO World Cruiserweight Title- Arena Riga, Riga. Александр Усик - Майрис Бриедис полный бой.

სერგო დავლიანიძის რუბრიკა კრივი.
დაუმარცხებელმა პროფესიონალმა უკრაინელმა მოკრივემ, სამოყვარულო დონეზე, ევროპის, მსოფლიოსა და ოლიმპიურმა ჩემპიონმა, ხოლო აწ უკვე WBC და WBO საჩემპიონო ქამრების მფლობელმა ალექსანდრ ალექსანდრევიჩ უსიკმა ლატვიური ვოიაჟი ერთბაშად სამი ჯილდოთი ხელდამშვენებულმა დაასრულა.
რიგა არენაზე გამართულ 12 რაუნდიან სატიტულო ორთაბრძოლაში უკრაინელმა კატამ (14-0, 11KOs) WBC საჩემპიონო ქამრის მფლობელი, ადგილობრივი მაირის ბრეიდი (23-1, 18KOs) დაძაბულ ბრძოლაში მსაჯთა კოლეგიის გადაწყვეტილებით 115-113, 115-113, 114-114 დაამარცხა. ამ გამარჯვებით უკრაინელმა მებრძოლმა გარდა იმისა, რომ WBO საჩემპიონო ქამარი მიჯრით მეოთხედ დაიცვა, საკუთარ ყულაბაში ყველაზე პრესტიჟული – WBC საჩემპიონი ქამარიც ჩააჩხრიალა და რაც ყველაზე მთავარია ალის თასის ფინალის საგზური მოიპოვა.
ალის თასის ფინალურ პაერქობაში, რომელსაც ამა წლის 11 მაისს საუბის არაბეთში მდებარე შესანიშნავი ზღვისპირა ქალაქი ჯიდა უმასპინძლებს, უსიკის მეტოქე IBF ვერსიით მსოფლიოს ჩემპიონს, რუს მურატ გასიევსა და WBA (Regular) ვერსიით მსოფლიოს ჩემპიონს, კუბელ ოუნიერ დორტიკოს შორის გამარჯვებული იქნება.
რაც შეეხება პრიზებს, რომელსაც ალის თასის გამარჯვებული დაეპატრონება, შემდეგნაირად გამოიყურება- 4 ვერსიით მსოფლიოს ჩემპიონის ტიტული (WBC, WBO, WBA (Regular), IBF), ალის თასი, WBC-ის მიერ სპეციალურად ამ ტურნისათვის დამზადებული საჩემპიონო ქამარი და 50 000 000 დოლარიანი საპრიზო ფონდის საკმაოდ სოლიდური წილი.
Content : http://sporter.ge/უკრაინელმა-კატამ-მაირის/