„თეთრი ხმაურის მოძრაობა“ გიორგი გიორგანაშვილის საქმეზე ტაქსის მძღოლის მიერ მიცემული ჩვენების ამონარიდს აქვეყნებს. როგორც ჩანაწერში ჩანს, კითხვაზე დაინახა თუ არა მან, რომ პოლიციელებმა გიორგი გიორგანაშვილს ჯიბიდან ნარკოტიკული საშუალება ამოუღეს, ტაქსის მძღოლი აცხადებს, რომ მას არ დაუნახავს. როგორც „თეთრი ხმაურის მოძრაობა“ აცხადებს, მიუხედავად იმისა, რომ ტაქსის მძღოლის ჩვენება სრლიად განხვავდებოდა სხვა მოწმეების ჩვენებისგან, სასამართლომ ტაქსის მძღოლის ჩვენება პოლიციელების ჩვენების იდენტურად შეაფასა და სწორედ ამის საფუძველზე მიუსაჯა „ბახალას“ თავისუფლების 8 წლით აღკვეთა.
„სასამართლომ გიორგი გიორგანაშვილის საქმეზე განაჩენი ორი პოლიციელის ჩვენებებზე დაყრდნობითა და ერთადერთი ნეიტრალური მოწმის ჩვენების უგულვებელყოფით გამოიტანა და ბახალას თავისუფლება რვა წლით აღუკვეთა.

აღნიშნული ორი პოლიციელის გარდა, საქმეში ფიგურირებს ნეიტრალური მოწმე, ტაქსის მძღოლი, რომლის ჩვენების მიხედვითაც, მას არ დაუნახავს, თუ როგორ ამოიღო პოლიციამ ნარკოტიკული საშუალება.

სარეზოლუციო ნაწილში, როდესაც სასამართლომ გამოაცხადა, რომ რვა წლით აღუკვეთავდა ბახალას თავისუფლებას, აღინიშნა, რომ ტაქსის მძღოლის ჩვენება ემთხვეოდა პოლიციელების ჩვენებებს და სწორედ ეს იყო სასამართლოს ამგვარი გადაწყვეტილების მიღების საფუძველი.

ჩვენ არ მივცემთ პროკურატურას, სასამართლოს და ზოგადად, მთელ უსამართლო სახელმწიფო სადამსჯელო სისტემას, რომ ერთადერთი ნეიტრალური მოწმის ჩვენება, რომელიც სინამდვილეში ეჭვქვეშ აყენებდა ბრალდების პოზიციას, გაასაღოს პოლიციელების ჩვენების იდენტურად და ბახალა უსამართლოდ ამყოფოს საპყრობილეში რვა წლის განმავლობაში..

თეთრი ხმაურის მოძრაობის იურისტი და პარტნიორი იურისტები სააპელაციო სასამართლოში წარსადგენ კვალფიციურ საჩივარს მოამზადებენ და შესაბამის ვადებში გაასაჩივრებენ საქალაქო სასამართლოს გადაწყვეტილებას. ვაფრთხილებთ ხელისუფლებას, შეწყვიტოს საკუთარ მოქალაქეებთან ტყუილზე და მტკიცებულებების ფალსიფიკაციაზე დაფუძნებული მართლსაჯულების წარმოება. სასამართლოსგან მოვითხოვთ სამართლიანობის, შეჯიბრებითობის და მტკიცებულებების გამოყენების მაღალი სტანდარტის უზრუნველყოფას, რათა ავიცილოთ უდიდეს ტრაგედია გიორგი გიორგანაშვი