მომღერალი ლელა წურწუმია გაჩერებას არც 2018 წელს აპირებს და ამბობს, რომ მთელი წელი უკვე გაწერილი აქვს. ქართული ესტრადის პრიმადონა როგორც ქვეყანაში ისე მის ფარგლებს გარეთ კონცერტებს აქტიურად მართავს.
მომღერალი 20 მაისს ფილარმონიის დიდ საკონცერტო დარბაზში გრანდიოზულ სოლო კონცერტს გამართავს.

„ჩემს კონცერტებზე დადის ყველა თაობის მსმენელი. მუსიკას ხომ ძალიან დიდი ძალა აქვს და სურნელს, ყოველთვის რაღაცას გაგონებს და ასოცირდება. როგორც აღმოჩნდა, ჩემი მუსიკა ასოცირდება მეტწილად კარგთან. ხომ გვიფიქრია ამაზე? რატომ ხდება ასე, 17 წლის წინ შექმნილი სიმღერები დღესაც აქტუალურია და ხალხი ისევ ცეკვავს…“ - განაცხადა წურწუმიამ "დღის შოუში" სტუმრობისას.

მისი თქმით, ორ ახალ სიმღერას წერს, ერთი რუსა მორჩილაძეს ეკუთვნის, მეორე კი ლილიკო ნემსაძეს და ნესტან სინჯიკაშვილი ორივე სიმღერაზე კლიპებს გადაიღებს .

მომღერლის პროდუსერი წლებია მისივე მეუღლე კახა მამულაშვილია.

„ძალიან დატვირთული 2018 წელი მელოდება წინ, მთავარია, ჩემს პროდიუსერს, მამულიჩას ვეუბნები, რომ ხანდახან ექსპლუატატორი ხარ-მეთქი. ზოგჯერ ისე გამოვყავარ წყობიდან… მომდის ხოლმე მესიჯები, „ძალადობის შემთხვევაში დარეკეთ ამა და ამ ნომერზეო“ და ერთი-ორჯერ მინდოდა დარეკვა ამომასუნთქე-მეთქი, ვეუბნები. მაგრამ ცხადია, დიდი ფუფუნება და ბედნიერებაა, როცა დარბაზები სავსეა და გულწრფელად ვუხდი მადლობას მაყურებელს“- თქვა ლელა წურწუმიამ.