დღეს უნივერსიტეტების დაფინანსება მთლიანად არის დამოკიდებული სტუდენტების გრანტებსა და გადასახადებზე. ამის გამო, უმაღლესი სასწავლებლები დაინტერესებულები არინ, რომ რაც შეიძლება მეტი სტუდენტი მიიღონ. ასეთი მიდგომა კი აზიანებს როგორც სწავლის ხარისხს, ისე სამეცნიერო და კვლევით მიმართულებებს.

უნივერსიტეტების დაფინანსების 12 წლის წინ დანერგილი მოდელი რომ შესაცვლელია, ამას მთავრობაც აღიარებს. განათლების სამინისტრო 2018 წელს იწყებს მუშაობას უმაღლესი სასწავლებლების დაფინანსების ახალ სისტემაზე, რომელიც არა სტუდენტების რაოდენობაზე, არამედ, სწავლის და კვლევის ხარისხზე იქნება ორიენტირებული.

გენო ოსიყმაშვილი არკვევდა, დაფინანსების რა შესაძლო ვარიანტები განიხილება სფეროს სპეციალისტებს შორის.