13 876 989
ნახვა
7 151
ვიდეო

ყვარლის ყოფილ გამგებელს, ილია მზექალაშვილს თავის მეუღლე ეკატერინე ზაუტაშვილს, რომელსაც ბიზნესიდან წლიური შემოსავალი 120 000 ლარი აქვს, გამგეობაში ხელშეკრულებით ჰყავდა დასაქმებული და თვეში 500 ლარის ოდენობით ხელფასს უხდიდა

გაზიარება შექმენი ლუპი
დეკემბერი 27, 2017
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

აღმოჩნდა რომ ყვარლის ყოფილ გამგებელს ილია მზექალაშვილს თავისი მეუღლე ეკატერინე ზაუტაშვილი, რომელსაც ბიზნესიდან წლიური შემოსავალი 120 000 ლარი აქვს, გამგეობაში ხელშეკრულებით ჰყავდა დასაქმებული და თვეში 500 ლარის ოდენობით ხელფასს უხდიდა.
შრომითი ხელშეკრულება ყვარლის გამგებელსა და მის მეუღლეს შორის 2016 წლის 1 ივლისს გაფორმდა. ილია მზექალაშვილის ქონებრივ დეკლარაციაში აღნიშნულია, რომ ეკატერინე ზაუტაშვილმა 2016 წლის 31 დეკემბრამდე პერიოდში ხელფასის სახით 2964 ლარი, ანუ თვეში საშუალოდ 500 ლარამდე თანხა მიიღო.
იმ პერიოდში მოქმედი „საჯარო სამსახურის შესახებ“ კანონის მე-17 მუხლის შესაბამისად, საჯარო სამსახურში არ მიიღება პირი, თუ იგი თანამდებობის დაკავების შედეგად უშუალო სამსახურებრივი ზედამხედველობით უკავშირდება თავის მეუღლეს.
„რეგინფომ“ გამოარკვია, რომ ეკატერინე ზაუტაშვილი ბიზნესმენია, - ფლობს შპს „ქინძმარაული ყვარელის“ კაპიტალის 40 % წილს. იმავდროულად, მას ფერმერული მეურნეობაც აქვს, - 2016 წელს რძისა და რძის პროდუქტების რეალიზაციის შედეგად 120 000 ლარის, 2015 წელს კი 60 000 ლარის ოდენობით შემოსავალი მიიღო.

საჯარო სამსახურში მუშაობის პარალელურად, ბიზნესში საქმიანობდა თვითონ ყვარლის ყოფილი გამგებელიც. იგი შპს „გუნაშაური ენდ კომპანის“ პარტნიორია და დღემდე 35 % წილს ფლობს. ყურძნის მოსავლის რეალიზაციით მან 2016 წელს 150 000 ლარი მიიღო, 2015 წელს კი 71 000 ლარი. მოქმედი კანონმდებლობის თანახმად, საკუთრების უფლების აღიარება დაიშვება იმ მიწის ნაკვეთებზე, რომლებიც მოქალაქეებს თვითნებურად ჰქონდათ დაკავებული 2007 წლის 20 სექტემბრამდე. ინფორმაცია ამ მიწის ნაკვეთების ფაქტობრივი ფლობის თაობაზე ილია მზექალაშვილს 2017 წლამდე არცერთ ქონებრივ დეკლარაციაში არ მიუთითებია. ილია მზექალაშვილი ყვარლის მუნიციპალიტეტის გამგებლის თანამდებობას 2014 წლის ადგილობრივი თვითმმართველობის არჩევნების შედეგად იკავებდა. უფლებამოსილება მას 2017 წლის 11 ნოემბერს შეუწყდა.


27/12/2017

მაჩვენე მეტი
ტეგები : #გამგებელი #ხელფასი #ყვარელი #ბიზნესმედია #საქმიანები #საქმიანი დილა #ბიზნესმენის ცოლი #ილია მზექალაშვილი #ეკატერინე ზაუტაშვილი