ნათია მეზვრიშვილმა სისხლის სამართლის უწყებათშორისი საბჭოს სხდომაზე არასრულწლოვანთა მართლმსაჯულების სამომავლო ხედვები წარადგინა
სისხლის სამართლის სისტემის რეფორმის უწყებათაშორის საკოორდინაციო საბჭოს რიგით 25-ე სხდომა გაიმართა, რომელიც იუსტიციის მინისტრმა და ამავე დროს, საბჭოს თავმჯდომარემ თეა წულუკიანმა გახსნა. შეხვედრას შინაგან საქმეთა მინისტრის მოადგილე, საპარლამენტო მდივანი ნათია მეზვრიშვილი დაესწრო.
შეხვედრის მონაწილეებმა არასრულწლოვანთა მართლმსაჯულების მიმართულებით არსებულ გამოწვევებზე ისაუბრეს.
შინაგან საქმეთა მინისტრის მოადგილემ - ნათია მეზვრიშვილმა, არასრულწლოვანთა მართლმსაჯულების საკითხზე, სამინისტროს ორკვირიანი მუშაობის შედეგები წარადგინა და დამსწრე საზოგადოებას სამინისტროს ახალი ხედვა გააცნო.
ღონისძიებას ასევე ესწრებოდნენ სისხლის სამართლის სისტემის რეფორმის უწყებათაშორისი საკოორდინაციო საბჭოს წევრები − აღმასრულებელი, საკანონმდებლო ხელისუფლების, საერთაშორისო და არასამთავრობო ორგანიზაციების წარმომადგენლები.
სისხლის სამართლის სისტემის რეფორმის უწყებათაშორისი საკოორდინაციო საბჭოს შეხვედრები ევროკავშირის პროექტის „სისხლის სამართლის მართლმსაჯულების სისტემის რეფორმის მხარდაჭერა საქართველოში“ თანადგომით იმართება. საბჭოს წევრთა გადაწყვეტილებით, შემდეგი შეხვედრა მომავალი წლის მარტის თვეში გაიმართება.