#ერთსულოვნება #საპარტრიარქო #ტელევიზია

ცარიზმს, რომ მართლაც არ სურდა აჭარელთა გაქრისტიანება, ამას ცხადყოფს ასეთი ფაქტი: 1888 წელს, საქართველოს ეგზარქოსის პალადის განკარგულებით
ბათუმ–ართვინის მაჰმადიან მოსახლეობაში ქრისტიანული სარწმუნოების არსებობის გამოსარკვევად იქ იმოგზაურა არქიმანდრიტმა ამბროსი ხელაიამ. იგი მოწმე გახდა სრულიად სხვა განწყობილების, სახელდობრ: ბათუმისა და ართვინის ოლქებში ჯერ კიდევ შემორჩენილი იყო ქრისტიანული წეს–ჩვეულებანი, ჩუმად კიდევ ლოცულობდნენ და მამა–პაპურ ადათ–წესებსაც არ ივიწყებდნენ. არქიმანდრიტი არწმუნებდა რუს ეგზარქოსს, რომ თუ მოინდომებდა, შემოერთებული მაჰმადიანი ქართველების ქრისტიანულ სარწმუნოებაზე დაბრუნება, დიდ სიძნელეს არ წარმოადგენდა. მაგრამ ამ მხრივ არც ეგზარქოს პალადის და არც კავკასიაში ქრისტიანობის აღმდგენ კომისიას არაფერი გაუკეთებიათ. პირიქით, რუსეთის მეფის პოლიტიკა შეგნებულად აბრკოლებდა შემოერთებულთა თვითგამორკვევას.
იოსებ ბექირიშვილი ,,ქრისტიანობა აჭარაში’’