ფოტოგრაფი პოლ ნიკლენი, რომელიც ველური ბუნებას ფირზე ასახავს, შემზარავი ვიდეო გაავრცელა. ნიკლენმა მომაკვდავი პოლარული დათვის სულისშემძვრელი კადრები კანადაში, ბაფინის კუნძულზე გადაიღო. კადრებზე ჩანს შიმშილისგან დაუძლურებული დათვი , რომელიც ძველი თოვლმავალის ნაწილებს ჭამს.


როგორც პოლი ფეისბუკზე წერს, ის და მისი გადამღები ჯგუფი ცრემლებს ვერ იკავდებდა აღნიშნული სცენის დანახვისას. როგორც აღმოჩნდა, კუნძულზე, სადაც პოლარული დათვები ცხოვრობენ, თოვლი დადნა, შესაბამისად, გაქრა ყველა ცხოველი თუ ფრინველი, რომელზე ნადირობითაც დათვები იკვებებიან.

ფოტოგრაფის თქმით, ეს არის გლობალური დათბობის სავალალო შედეგი, რომელმაც შესაძლოა, კიდევ უფრო ნეგატიური პროცესები გამოიწვიოს.