საქართველოს პრემიერ-მინისტრმა გიორგი კვირიკაშვილმა, საქართველოს შინაგან საქმეთა მინისტრ გიორგი გახარიასთან და საქართველოს სახელმწიფო უსაფრთხოების სამსახურის უფროს ვახტანგ გომელაურთან ერთად, თბილისის რეფერალურ ჰოსპიტალში, სპეცოპერაციის დროს დაჭრილი სპეცდანიშნულების რაზმის თანამშრომლები მოინახულა. პრემიერ-მინისტრმა ჯანმრთელობის დაცვის მინისტრის მოადგილე ზაზა სოფრომაძისაგან დაჭრილების ჯანმრთელობის მდგომარეობის შესახებ ინფორმაცია მოისმინა და სპეცრაზმელებს გაწეული მამაცობისათვის მადლობა გადაუხადა.