ბილბაოში ესპანეთის მთავრობის მიერ კატალონიის ავტონომიის შეზღუდვის შესახებ მიღებული გადაწყვეტილება გააპროტესტეს.
წვიმიანი ამინდის მიუხედავად, ბასკეთის რეგიონში გამართულ აქციას ათასობით ადამიანი შეუერთდა. "არა 155-ე მუხლს", "ხალხს არჩევანის უფლება აქვს" - სკანდირებდნენ დემონსტრაციის მონაწილეები.
მიტინგში ბასკეთის დამოუკიდებლობის მომხრე პარტიის ლიდერი ბილდუ არნალდო ოტეგიც მონაწილეობდა, რომელიც წარსულში "ეტასთან" კავშირის გამო ყო დაპატიმრებული.
ესპანეთის მთავრობამ კატალონიის ავტონომია დროებით შეზღუდა, მას შემდეგ, რაც ადგილობრივმა მთავრობამ, უკანონო "რეფერენდუმის" საფუძველზე, კატალონიის დამოუკიდებლობა გამოაცხადა.
ესპანეთის ავტონომიურ რეგიონში მთავრობა გადააყენეს და პარლამენტი დაითხოვეს. რიგგარეშე არჩევნები კატალონიაში 21 დეკემბერს გაიმართება.