პარლამენტი საქართველოს მომავალი წლის ბიუჯეტზე მუშაობს. საფინანსო-საბიუჯეტო კომიტეტში გადამუშავებული პროექტი განიხილეს.

ბიუჯეტის პირველ ვარიანტთან შედარებით, შემოსულობები 95 მილიონი ლარით, 12 მილიარდ 393 მილიონ ლარამდე იზრდება. ბიუჯეტის დეფიციტი 3,3%-დან 3 პროცენტამდე მცირდება.

განახლებულ ვარიანტში კიდევ უფრო იზრდება ჯანდაცვის, კულტურის, სპორტისა და გარემოს დაცვის სამინისტროების დაფინანსება.

მომავალი წლის ბიუჯეტი 2,5 ნიშნულიან კურსზეა გათვლილი. ლარის კურსი იყო სწორედ ის საკითხი, რამაც კომიტეტის სხდომაზე ყველაზე ხმაურიანი დისკუსია გამოიწვია. ამასთანავე, ოპოზიცია დაინტერესდა, რატომ არ გაითვალისწინა ფინანსთა სამინისტრომ პენსიებისა და მასწავლებლების ხელფასის მატების საკითხი.