გერმანიის ქალაქ კარლსრუეში ტერაქტის დაგეგმვაში ეჭვმიტანილი 19 წლის პირი კონტრტერორისტული სპეცოპერაციის შედეგად დააკავეს. ინფორმაციას Deutsche Welle ავრცელებს. ეჭვმიტანილი სირიის მოქალაქეა. კარლსრუეს ფედერალური პროკურატურის ინფორმაციით, სამართალდამცველებს იმის მტკიცებულება აქვთ, რომ დაკავებული პირი გერმანიაში მასშტაბურ ტერაქტს გეგმავდა. მას ასაფეთქებელი მოწყობილობისთვის ყველა საჭირო ნივთი და დანადგარი შეძენილი ჰქონდა.

ეჭვმიტანილი რადიკალური ისლამისტური ტერორისტული დაჯგუფების, თვითგამოცხადებული „ისლამური სახელმწიფოს“ იდეოლოგიური მიმდევარია. ჯერჯერობით უცნობია, ჰყავს თუ არა ეჭვმიტანილ პირს გერმანიაში თანამზრახველები. ასევე, უცნობია, გერმანიის რომელი ქალაქი ჰქონდა მას შერჩეული ტერაქტის სამიზნედ.