ამერიკის შეერთებული შტატები დღეს Global Thunder-ის სახელწოდებით, სტრატეგიული ბირთვული ძალების სწავლებას იწყებს.
ამის შესახებ STRATCOM-ის ოფიციალურმა წარმომადგენელმა, ბრაიან მაგუირმა განაცხადა.
მისი თქმით, აღნიშნული წვრთნების შესახებ ვაშინგტონმა მოსკოვი წინასწარ გააფრთხილა, როგორც ამას ორმხრივი ხელშეკრულება ითვალისწინებს.
სწავლების დროს მოხდება უნარების დამუშავება, სხვადასხვა სტრატეგიული საფრთხეების პირობებში, ყველა შესაძლო საპასუხო ქმედების გამოყენებით. მათ შორის ჩართული იქნება კოსმოსური ძალები, დაზვერვისა და სამეთვალყურეო სისტემები, რაკეტსაწინააღმდეგო თავდაცვითი საშუალებები. აქცენტი კი ბირთვულ მზაობაზე გამახვილდება.
აღნიშნული სწავლება მიზნად ისახავს აშშ-ზე სამხედრო თავდასხმის აღსაკვეთად მზაობას.
გასულ კვირას კომპლექსური სტრატეგიული ბირთვული ძალების სწავლება რუსეთმაც გამართა, რომელშიც პრეზიდენტი ვლადიმერ პუტინიც მონაწილეობდა.