ესპანეთში ვნებათაღელვა არ წყდება. კატალონიის ავტონომია დროებით შეჩერებულია. რეგიონს ესპანეთის ვიცე-პრემიერი მართავს.

გადაწყვეტილებას არ ეთანხმება კარლეს პუიჩდემონი, რომელიც თავს კვლავ კატალონიის მოქმედ მმართველად აცხადებს, თუმცა ბარსელონაში არ იგრძნობა, რომ რეგიონის თითქმის ორმა მილიონმა ამომრჩეველმა ე.წ. რეფერენდუმზე კატალონიის დამოუკიდებლობას მხარი დაუჭირა.

ბარსელონის ქუჩები ესპანეთის ერთიანობის მომხრეებით გაივსო. მოქალაქეები აცხადებენ, რომ ტერიტორიული მთლიანობის შესანარჩუნებლად მზად არიან აქციებზე ყოველდღე გამოვიდნენ.

როგორია კატალონიელების განწყობა? - ამას ბარსელონაში მყოფი ქეთევან ქარდავა გვეტყვის.